Desidido si incumbent Iloilo City Vice Mayor Jeffrey Ganzon nga magpa-reelect sa masunod nga eleksyon kag tapuson ang nabilin niya nga termino.
Sa statement sang bise alkalde, ginpabutyag niya nga nagpasalig sa iya ang mga Treñas nga magapabilin sila nga isa ka team.
Sa pihak ini sang nagakatabo nga political development sa siyudad sa diin wala siya nalakip base sa nagguwa nga impormasyon.
Ginpasiguro ni Vice Mayor Ganzon sa iya mga supporters nga dayon ang iya pagpadalagan.
Una na nagtuhaw ang impormasyon nga mapa-reelect sa pagka-kongresista si Congresswoman Julienne Baronda, sa pagka-mayor si Raisa Treñas-Chu kag sa pagka-vice mayor si Lady Julie Grace “Love-Love” Baronda.
Ini makaligad nag-issue sang statement si Iloilo City Mayor Jerry Treñas nga mapaiway sa 2025 elections kag ma-alyansa kay Congresswoman Baronda.
Apang tubtob subong, wala pa gihapon nakapaguwa sang desisyon ang kampo sang kongresista.
