Wala klase sa tanan nga level sa Iloilo City bwas, Nobyembre 10 tungod sa mangin epekto sang Super Typhoon “Uwan”

ILOILO CITY—Wala sang face-to-face classes sa siyudad sang Iloilo buwas, Nobyembre 10 sa tanan nga level, pribado man ukon pampubliko nga eskwelahan.

Ini base sa rekomendasyon sang Iloilo City Disaster Risk Reduction and Management Office (CDRRMO)–Operations Center (OpCen) samtang gina-monitor ang sitwasyon sang panahon.

Base sa abiso ni Mayor Raisa Treñas, “sa latest forecast sang PAGASA, bisan pa indi mag-agi mismo sa Iloilo ang Typhoon #UwanPH, apang tungod sa kalapad kag kabaskog sini, posible gihapon nga makabatyag kita sang moderate tubtob heavy rains kag mabaskog nga hangin subong nga Domingo kag Lunes.”