Zero major incident sa “Trillion Peso March” gin-report sang ICPO

ILOILO CITY — ILOILO CITY— Gin-report sang Iloilo City Police Office ang “violence-free” nga Kahublagan Kontra Korapsyon subong mga adlaw.

Base sa report kag assessment halin sa City Tactical and Operations Center (CTOC) halin las-6 sa aga tubtob las-6 sa gab-i wala sang gin-report nga major incident nga maangut sa pagtililipon sang mga tawo.

Ginabanta sang ICPO nga 3,000 ka mga participants ang nag-upod sa rally halin sa Jaro plaza kag UP Visayas padulong sa Iloilo Provincial Capitol sa diin ginhiwat ang programa.

Ang malinong nga aktibidad ang resulta sang epektibo nga deployment sang security measures, close coordination sa organizers, kag kooperasyon sang mga participants, suno sa ICPO.

Ginpanginbulahan ni ICPO Director Police Colonel Kim Legada ang disiplina nga ginpakita sang mga nag-rally kag dedikasyon sang Civil Disturbance Management (CDM) Team kag ICPO personnel sa pagpatuman sang maximum tolerance kag respeto sa kinamatarong sang tawo.

“The success of today’s activity reflects our shared commitment to democracy, peace, and responsible citizenship. We thank the community for their cooperation in keeping Iloilo City safe and orderly,” suno kay PCol Legada. — Aksyon Farrah Mae Morano