Sugod sa Nobyembre 19, pasakaan na ang inadlaw nga sweldo sang mga empleyado sa pribado nga sector sa Western Visayas, Bacolod City, kag Negros Occidnetal.
Ini ang gin-anunsyar sang National Wages and Productivity Commission (NWPC).
Sa gin-aprubahan, pasakaan sang ₱40- ₱45 inadlaw nga sweldo sa rehiyon.
Sa sulod sang tatlo ka sunod-sunod nga tuig, padayon nga nagataas ang minimum daily wage sa Western Visayas.
Halin sa ₱480 sang 2024, nadugangan ini sang ₱33 kag nangin ₱513 ang inadlaw nga minimum wage para sa mga non-agriculture, industrial kag commercial establishments nga may sobra sa 10 ka empleyado.
Sang 2025, nadugangan ini sang ₱37 kag nangin ₱550 ang minimum daily wage.
Subong nga 2026, madugangan na naman ini sang ₱40 suno sa gin-aprubahan nga wage increase sang National Wages and Productivity Commission (NWPC).
Sugod Nobyembre 19, mangin ₱590 na ang minimum daily wage para sa amo nga kategoriya sang mga establisemento.
Sa kabug-usan, ₱110 ang total nga pagtaas sang minimum daily wage sa sulod sang tatlo ka tuig.
