12-anyos nga na-missing sang nahulog sa irrigation dam sa Igbaras kagab-i, patay na sang nakit-an kaina sang aga

ILOILO — Patay na sang nakit-an ang 12-anyos nga bata nga na-missing sang nahulog sa irrigation dam sa Brgy. Passi, Igbaras kagab-i.

Suno kay Police Captain Francis Donne Lomahan, hepe sang Igbaras Municipal Police Station nag-upod ang 12-anyos sa iya 22-anyos nga tiyo para mang-hunting sang pispis.

Nakadanlog ang 12-anyos kag nagtupa sa suba mga las-11:40 kagab-i.

Ginpangita ang bata pero las-6 na kaina sang aga nakit-an kag patay na.

Ginalantaw nga wala nakabutwa ang bata tungod gin-anod sang mabaskog nga daludo sang tubig.