ILOILO CITY — Nasapwan nga nagalutaw sa Buntatala creek sa Tagbak, Jaro ang bangkay sang 13-anyos nga solterito nga una gin-report nga missing sang Domingo.
Las 5 kaina sang kaagahon sang nakita sang residente ang bangkay nga wala na sang pang-ibabaw nga panapton gani nagpangayo sang bulig.
Sa pagpangusisa sang Aksyon Radyo Iloilo news team, ginpahayag ni alyas Toto, abyan sang 13-anyos nga si alyas Kevin nga naghagaray sila nga maligo sa creek sang Domingo. Pulo sila ka mag-abyan nga nagpaligo sa creek.
Ginpahayag ni Toto nga naandan na nila nga magpaligo sa creek kon mataas ang lebel sang tubig ilabe na kon mag-ulan kag may baha.
Ginpabutyag man niya nga pasado las-5 sang hapon pagkatapos nila langoy ulihi pa niya nakit-an si Kevin nga nagbakal sa tiangge malapit kon diin sila nagpaligo.
Sa pagpati ni Toto nagbalik sa paglangoy si Biboy kag wala na nakatakas. Lunes na sang aga sang nakahibalo sila nga ginapangita si Kevin tungod wala nakapauli sang gab-i. — Aksyon Marvin Malificiar
