ILOILO — Pito ang pilason sang nabungguan sang SUV ang naka-park nga tricycle sa higad sang karsada sa Brgy. Madong, Janiuay kahapon, Hulyo 12.
Suno kay Police Staff Sergeant Resel Jan Barranco, imbestigador sang Janiuay Municipal Police Station, naka-park ang tricycle sa higad sang karsada kag may sakay nga anum ka pasahero.
Ginpahayag sang police nga naglapaw sa linya ang SUV gani nabungguan ang tricycle kag nahulog.
Ginabulong pa sa ospital ang lima ka pasahero nga napilasan kag ang driver sang tricycle.
Wala naman napilasan ang driver sang SUV kag iya upod nga napiyungan suno sa police.
Detained sa Janiuay Police Station ang driver sang SUV.
