ILOILO — Pilason ang 16 ka mga sakay sang van sang nahulog sa pil-as sa Mali-ao, Leon kahapon, Hunyo 3.
Suno kay Police Staff Sergeant Edzel Edpang, imbestigador sang Leon Police Station, halin sa Bucari ang van sakay ang mga nag-team building nga empleyado sang Maridan Medical Supply kag papuli na sa siyudad sang Iloilo sang na-aksidente.
Base sa imbestigasyon, posible nga nag-malfunction ang preno sang van kag wala na nakontrol sang driver gani nag-ekis ekis ang salakyan.
Nakasaga-id pa ang van sang nagapasaka nga depasahero nga jeep antes nagdiretso sa pil-as nga ginabanta 20 metros ang kadalumon.
Nagtupa ang van sa kawayanan.
Nag-augment naman ang ambulansya sang mga kaiping nga banwa agud madala sa ospital ang mga sakay. — via Aksyon Farrah Mae Morano
