Ginalantaw nga magalab-ut sa 17 ka barangay opisyal halin sa nagkalain-lain nga barangay sa Iloilo City ang pasakaan sang kaso sang Department of Social Welfare and Development (DSWD).
Ini may kaangtanan sa mga anomaliya sa Assistance to Individuals in Crisis Situation (AICS).
Suno kay DSWD Assistant Secretary for Regional Operations Paul Ledesma, mga December 10 mapasaka na nila ang kaso batok sa mga natungdan nga opisyal sa barangay.
May mga barangay kapitan, kagawad, kag secretary ang mahimo pasakaan sang kaso halin sa anum tubtob pito ka mga barangay sa siyudad.
Sa pagpaathag niya ang pagpasaka nila sang kaso nabase sa mga impormasyon halin sa mga complainants.
Dugang pa ni Ledesma nga posible may pagbag-o pa sa numero sang mga opisyal nga pasakaan sang kaso. — Aksyon Angel Mae Ciudad
