2 ka barangay tanod sa Calinog pilason sang nabungguan sang bus ang ginasakyan nga motorsiklo

Pilason ang duha ka barangay tanod sang nabungguan sang bus ang ginasakyan nga motorsiklo sa Brgy. Cabugao, Calinog kahapon, Agosto 2.

Suno kay Police Corporal Jessie Castamado, imbestigador sang Calinog Municipal Police Station, papuli na sa Brgy. Banban ang mga biktima samtang pakadto sa banwa sang Calinog ang bus.

Sa imbestigasyon sang police, nagliko sa wala ang motorsiklo sang nabungguan sang nagapadulong nga bus.

Gindala sa ospital ang duha ka tanod sang

nakaagum sang pilas sa nagkalain-lain nga parte sang ila lawas.

Wala sang helmet ang mga tanod, suno sa police.

Nagpabutyag ang tag-iya sang bus nga sabton ang balayran sa ospital sang mga biktima. — Aksyon Paula Elambayo/Trainee reporter Robert Nietes