PASSI CITY – Nakabaton sang tag-P100,000 nga cash gift ang duha ka Centenarians sa Passi City halin sa national government paagi sa Expanded Centenarians Act (ECA).
Gindul-ong sa tagsa ka mga balay sang mga Centenarians ang cash gift.
Ang mga benepisyaryo kanday Isidra D. Pablico sang Brgy. Cabunga nga ginbun-ag sang Enero 18, 1926 kag Eleuteria P. David sang Brgy. Mambiranan Pequeño, nga ginbun-ag sang Pebrero 20, 1926.
Ginsaksihan ni Ms. Ann Rapunzel “Rara” Ganzon, director sang National Commission of Senior Citizens (NCSC) Region 6 ang paghatag sang cash gift sa duha ka benepisyaryo.
Sa statement, naga-upod ang Passi City LGU sa national government sa pag-abi-abi sa katigulangan ilabe na kanday Pablico kag David nga nagpangabuhi sang isa ka century nga nagapakita sang ila kabakod, kag pagbilin sang madamo nga handumanan sa komunidad.
