Iloilo: 6-wheeler truck, nagbaliskad sa San Rafael, driver kritikal sa ospital!

By: Jocelyn Gelloagan-Maque

Isa ang kritikal kag tatlo ang pilason matapos nagbaliskad ang 6-wheeler truck sa San Rafael kahapon.

Kritikal sa Western Visayas Medical Center si Rodolfo Navales sang Barangay Licuan, Barotac Nuevo nga may pilas sa ulo.

Pilason man kag nagapabilin sa nasambit nga ospital ang tatlo pa ka sakay sang truck nga amo sanday Alexis John Maligon, Timothy Maderse kag Efren Ventura, lunsay pumuluyo sang Janiuay.

Ginpahayag nga makalima ka beses nga nagbaliskad ang truck nga may karga nga 600 ka sako sang semento.

Magadul-ong kuntani sang construction materials ang truck sa Concepcion sang natabu ang insidente.