Iloilo City: Asawa sang isa sa mga Ilonggo crew sang naglugdang nga barko sa Vietnam, nagalaum nga buhi pa ang bana

By: Aine Grace Bravo

Nagahulat gihapon sang update si Mrs. Josan Sansolis, asawa sang isa sa mga Ilonggo crew sang naglugdang nga barko sa Vietnam, sa natabu sa iya bana.

Ginkonfirmar ni Mrs. Sansolis nga nakapakig-angut sa ila ang Magsaysay Maritime Corporation kag nagpabalo nga wala gihapon nakita ang iya bana nga si Rosilio Sansolis, 28-anyos sang Iloilo City kag motorman sang Bulk Jupiter vessel. Ginpahayag ni Mrs. Sansolis nga Enero 1 ang katapusan nga komunikasyon nila sang iya bana kag nakapanugid ini nga tuman ka dalagku sang balud.

Nagalaum gihapon si Mrs. Snga nga buhi nga makita ang iya bana. 2006 sang nagsugod trabaho sa barko si Rosilio.