Iloilo City: Kadam-an nga mga vendors sa Iloilo Central Market, nagpatawad kay Kagawad Ed Peñaredondo kasunod sang public apology sang konsehal!

By: Jocelyn Gelloagan-Maque

Kadam-an sang mga vendors sa Iloilo Central Market ang nagpatawad kay Kagawad Ed Peñaredondo.

Kasunod ini sang pagpangayo sang pasaylo sang konsehal sa regular session sang city council kahapon.

Suno kay alyas Excel, ginpatawad niya si Peñaredondo kadungan sang panugyan nga dapat maminsar anay ang konsehal antes maghambal agud indi makasakit sa balatyagon sang iya isigkatawo.

Sang damlag lang, tuman ang pagpakanubo ni Peñaredondo sa mga vendors nga suno sa iya indi dapat paghatagan sang importansya bangud naga-arkila lang sa Iloilo Central Market.