Iloilo City: Simbahan, gin-engganyo ang spiritual preparations antes ang pag-abot ni Pope Francis sa pungsod

By: Jocelyn Gelloagan-Maque

Gina-engganyo sang simbahan ang spiritual preparations antes ang pag-abot ni Pope Francis sa pungsod.

Suno kay Monsignor Jomarie Delgado, Director sang Social Communications sang Jaro Archdiocese, may dugang nga mga pangamuyo sa kada misa antes mag-abot ang Pontiff sa Enero 15.

Gina-engganyo man ang mga tumuluo kag may kabahin sa spiritual preparations nga magkumpisar kag mahinulsol sang mga sala kag magbaton sang santos nga pagpangalawat agud mapasanyog ang pagtuo.

Sa pag-abot naman sang Papa, ginpahayag ni Delgado nga paga-bagtingon sang mga simbahan sa Iloilo ang lingganay halin alas-5:30 tubtob alas-5:45 sang hapon.