Iloilo City: Ilihawan sang syudad, paga-imbestigaran sang Committee on Markets and Slaughterhouse pagkatapos sang imbestigasyon sa tanan nga mga merkado!

By: Jocelyn Gelloagan-Maque

Indi lang mga merkado ang imbestigaran sang Committee on Markets and Slaughterhouse sang City Council.

Ginpahayag ni Kagawad Plaridel Nava, vice-chairman sang komitiba, ila man imbestigaran ang Iloilo Slaughterhouse matapos nakabaton sang reklamo ang iya talatapan nga

Ginabaligya sang pila ka empleyado ang inughaboy nga tinae sang mga gina-ihaw nga sapat.

Dapat akuhan sang komitiba ang reklamo suno kay Nava bangud kon pabay-an ini, mabutang sa katalagman ang ikaayong lawas sang mga pumuluyo sa syudad.

Samtang, ginpasalig man ni Nava nga padayunon sang komitiba ang pag-usisa sa iban nga mga merkado pagkatapos sang imbestigasyon sa Iloilo Terminal Market.

Nag-imbestigar ang Committee on Markets and Slaughterhouse matapos ginbuyagyag sang mga vendors ang tuklo sa merkado.