Iloilo City: Pagpatuman sang Bureau of Corrections Modernization Law bilang solusyon sa mga problema sa New Bilibid Prison, ginaduso ni 5th District Rep. Niel Tupas, Jr.

By: Jocelyn Gelloagan-Maque

Pagatutukan sang legislative investigation ang long-term nga solusyon sa mga problema sa National Bilibid Prison sa muntinlupa city.

Isa sa mga ginaduso ni 5th District of Iloilo Congressman Niel Tupas, Jr., chairman sang House Justice Committee ang pag-implementar na sang Bureau of Corrections Modernization Law.

Suno kay Tupas, 2013 pa napasar ang laye apang wala gihapon na-implementar.

Apang antes ipatuman, dapat man suno sa kongresista nga liwat hanason ang mga personnel sa bilibid agud mabag-o ang ila orientation.

Aminado si Tupas nga nabaton niya ang impormasyon nga pila ka gwardya sa bilibid ang nagapalapit sa high-profile inmates.

Ginpabutyag ni Tupas nga ginatutukan naman sang Executive Department ang immediate nga solusyon pareho sang mga raids.

Dapat suno sa kongresista nga padayunon ang mga raids tubtob madula ang tanan nga kontrabando sa bilibid.