Iloilo: Plano nga Pagpanubo sa Plete kag Flagdown sang Taxi, Airport Shuttle Serive kag iban pa nga Utility vehicles, Ginpamatukan sang mga Operators!

By: Nemesio Martirez

Ginpamatukan sang mga operators sang taxi, airport shuttle service kag iban pa nga utility vehicle ukon UV express ang gina-proponer ni Negros Oriental Representative Manuel Iway nga panubuan ang plete kag flagdown rate. Sa pihak ini sang sunod-sunod nga pagnubo sa presyo sang produktong petrolyo. Sa ginhiwat nga public hearing, ginpahayag ni LTFRB 6 Legal Officer Atty. Jose Marie Lamparero nga wala gid nagtanyag ang mga operator nga panubuan ang plete bisan gamay lang nga kantidad. Ginrason suno sa iya sang mga operators nga indi sila kapanubo sa pletehan kag flagdown rate bangud nag-antus man sila sa sunod-sunod nga pagtaas sa presyo sang petrolyo sadtu kag subong lang sila nakabawi. Dugang pa sang mga operators nga naka-file man sila sadtu sang petition for fare increase apang wala naaprobahan sang LTFRB.