Iloilo City: Pagbisita sa imahen ni Señor Sto. Niño sa San Jose Parish, bukas sa mga deboto!

By: Jocelyn Gelloagan-Maque

Bukas para sa mga devoto ang pagbisita sa imahen ni Señor Santo Niño sa San Jose Parish sa Plaza Libertad.

Nag-abot kaina sang aga ang imahen halin sa Iloilo Airport kag antes gin-diretso sa San Jose Parish, gin-agi anay sa simbahan sang Cabatuan, Santa Barbara, University of San Agustin sa Barangay Sambag, Jaro kag Jaro Cathedral.

Dal-on ang imahen sa Fort San Pedro sa Enero 23 alas 3 sang hapon kag isakay sa pumboat para sa fluvial procession sa Iloilo River.

Samtang ginpahanumdom naman ni Jun Rivera sang confradia sa San Jose Parish nga magluwas sa cultural activities, hatagan man sang religious aspect ang kasadyahan kag Dinagyang Festival 2015.