Iloilo City: Ordinansa nga maga-regulate sang mga airport shuttle vans, napasar na sa first reading suno kay Kagawad Plaridel Nava!

By: Jocelyn Gelloagan-Maque

Napasar na sa first reading ang ordinansa nga maga-regulate sang mga airport shuttle vans.

Masunod nga tikang suno kay Kagawad Plaridel Nava, chairman sang Committee on Transportation sang city council, ang pagpatawag sang hearing agud pamatian ang opinion kag reaksyon sang mga van owners, LTFRB kag SM city management sa diin nagaparada ang mga airport vans.

Ginpahayag ni Nava nga nagapagusto lang sulod sa syudad ang mga airport vans bisan nga wala sang frankisa gani dapat nga ma-regulate.

Ginpa-athag ni Nava nga nagareklamo ang Pavia-Sta Barbara transport groups bangud nagapick-up sang pasahero ang mga shuttle vans halin sa airport padulong sa syudad.

Ginpahayag sang konsehal nga madugay na nagareklamo ang transport groups sa Pavia kag Sta Barbara.