Iloilo City: Election period may kaangtanan sa SK elections, magasugod sa tungan gab-i!

By: Jocelyn Gelloagan-Maque

Magasugod na karon sa tungan gab-i ang election period may kaangtanan sa Sangguniang Kabataan (SK) elections sa Pebrero 21.

Suno kay Commission on Elections (COMELEC) 6 Director Dennis Ausan, ipatuman ang gun ban kag iban pa nga mga gindumili alas-12:01 karon sa tungan gab-i tubtob sa Marso 2.

Apang gin-athag ni Ausan nga mahimo pa makapasar ang kongreso sang laye agud mapa-iway ang SK elections kon gusto nila.

Sa karon, ang house version sang hagna pa lang ang napasar kag wala pa gid nakahulag ang version sang senado.

Sa opinion ni Director Ausan, mas maayo nga indi na pag-ipa-isol ang piniliay bangud daku na ang ila nagasto sa mga preparasyon.