Iloilo City: Ginabanta 30 ka trucks sang basura, nakuha sa palibot sang syudad matapos ang Dinagyang Festival

By: Aine Grace Bravo

Ginabanta sa 20 tubtob 30 ka basura ang nakuha sa syudad pagkatapos sang Dinagyang Festival 2015.

Ginapatihan ni General Service Office (GSO) Head Engr. Raul Gallo nga nagtumpok ang basura bangud ginhaboy lang sang mga nagalakat ang mga putos sang ila ginkaun samtang nagasinadya sa Dinagyag Festival. Nagpang-spray man ang taga-GSO sang disinfectant sa mga lugar nga mabaho. Ginpahayag ni Gallo nga madamo gihapon sang nagapangihi sa mga kilid-kilid bisan nagpahamtang sila sang mga portalet.

Samtang ginkonfirmar ni CENRO Head Engr. Noel Hechanova nga madamo nga citation tickets ang ila na-isyu bangud sa paglapas sang mga nagdagyang sa Anti-Littering Ordinance sang syudad. Ang nasambit nga ordinansa kag Anti-Smoking Ordinance ang hugot nga ginpatuman sa tiun sang Dinagyang Festival.