Iloilo: Dugang pa nga pamilya sa 5th District nga nahalitan ni Supertyphoon Yolanda, nakabaton sang bulig pinansyal halin sa gobierno

By: Jocelyn Gelloagan-Maque

Dugang pa nga pamilya sa Kinto Distrito nga totally-damaged ang ila balay sa supertyphoon Yolanda ang ginhatagan sang financial assistance sang gobyerno.

Ginpahayag ni Department of Social Welfare and Development (DSWD) 6 Protective Division Head Rosario San Agustin nga 7,700 na ka pamilya sa Sara kag 9,532 ka pamilya sa Concepcion ang nakabatun sang financial assistance.

Suno kay San Agustin una na nga nag-release ang DSWD sang financial assistance sa 600 ka pamilya sa Concepcion, 300 ka pamilya sa Sara, 300 ka pamilya sa Ajuy kag 300 ka pamilya sa Estancia.

Samtang iya ginpabutyag nga magabatun man sang financial assistance ang 15,920 ka pamilya sa Roxas City, Capiz.
Ginpasalig man ni San Agustin nga mahatag gilayon ang financial assistance sa mga biktima sa tion nga mabaton sang ahensya ang notice of cash allocation.

Gin-athag sini nga ang P30,000 nga financial assistance ang ginahatag lang sa tagsa ka pamilya nga may totally-damaged nga balay.