January 27, 2022

Iloilo City: 41-anyos nga lalaki nga nanghurikap sa empleyada sang mall sa sulod sang jeep, ginpa-preso!

Read Time:50 Second

By: Jocelyn Gelloagan-Maque

Ginpa-preso ang 41-anyus nga lalaki matapos ginreklamo nga nagpanghurikap sa 20-anyus nga empleyada sang SM city.

Ginreklamo ni alyas Alysa si Nalin Isog sang Barangay Purok 2, Pavia nga naghurikap sa iya samtang nagasakay sila sa jeep padulong sa General Luna-Iznart, City Proper kagab-i.

Sang nagpana-og si alyas Alysa, nagsakay ini sa Barrio Obrero nga jeep kag nagsakay man si Isog.

Samtang nagadalagan ang salakyan, ginpahayag nga gin-agbayan ni Isog si alyas Alysa ,apang gintapi ang iya kamot kag sa baylo nga magpahimoyong, ginhikap pa ang paa sang dalaga.

Ginsunod pa gid ni Isog si Alysa pa-uli sa ila balay kabangdanan nga nagpangayo sang bulig ang dalaga sa iya nobyo paagi sa text agod ma-rescue sa sitwasyon.

Ginpasensyahan Alysa ang una nga pangtsansing ni Isog sang naga sakay sila sa SM city nga jeep bangud madamo ang mga pasahero, apang sang nagasakay sila sa Barrio Obrero nga jeep iya nabatyagan nga ini siya ang ginbastos.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: Drug personality sa Jaro, dakop sa buybust operation!
Next post Iloilo: Pila ka alkalde, nanghiwala nga nagabaton sang payola halin sa gambling lords