Iloilo City: Ex-Officio City Councilor Carlos Guarin, nagaduda nga may traidor sa PDEA 6!

By: Aine Grace Bravo

Nagaduda si Liga ng mga Barangay President kag Ex-officio City Councilor Carlos Guarin nga may traidor sa Philippine Drug Enforement Agency.

Pahayag ini ni Guarin kasunod sang kapaslawan sang mga operatiba sang PDEA 6 nga madakpan ang mga subjects sa saturation drive sang ahensiya sa Molo antes ang Dinagyang Festival.

Ginpahayag ni Guarin nga posible may nagtimbre nga taga-PDEA sa mga drug personalities partikular ang mga nagamentinar sang drug den sa barangay South San Jose, Boulevard, San Juan kag West Habog-Habog sa Molo rason nga wala nadakpan sang nagsulod ang mga otoridad.