Iloilo City: Kagawad Joshua Alim, ginpanghiwala ang balita nga magapadalagan siya sa pagka-kongresista sa 2016 elections!

By: Jocelyn Gelloagan-Maque

Wala sang kamatuoran ang nagalagaw nga balita nga magapapili si Kagawad Joshua Alim sa pagka-congressman sa 2016 elections.

Gin-athag ni Alim nga tapuson niya ang isa pa ka termino bilang konsehal kag wala pa sang gana nga magpapili sa iban nga position.

Gin-ako man ni Alim nga nag-estorya sa iya ang staff ni Vice President Jejomar Binay nga naga-engganyo nga magpadalagan siya sa pagka-congressman apang wala siya nag-komiter.

Ginpasalig sini magapabilin ang iya suporta kay Mayor Jed Patrick Mabilog, Vice Mayor Jose Espinosa III kag Lone District Congressman Jerry Treñas bisan pa nga si Binay ang iya suportahan sa 2016 elections.