Iloilo City: Provincial Government, magahatag sang bulig pinansyal sa mga pamilya sang Fallen 44 sa Mamasapano, Maguindanao!

By: Jocelyn Gelloagan-Maque

Magabatun sang financial assistance ang mga pamilya sang 44 ka miembro sang PNP-Special Action Force (SAF) nga napatay sa Mamasapano Maguindanao halin sa provincial government.

Gin-aprobahan sang Sanguniang Panlalawigan ang resolution nga nagahatag sang tag-P10,000 sa kada pamilya sang napatay kag P5,000 naman sa tagsa ka SAF member nga napilasan.

Ginpahayag ni Vice Governor Raul Tupas nga magahalin ang financial assistance sa pundo sang provincial government.

Si Vice Governor Tupas sa nahibaluan ang anay opisyal sang SAF sang Philippine Army antes nagsulod sa politika.