Lapaz, Iloilo City: 9 ka balay, nasunog; kahalitan, naglab-ut sa 4 milyones pesos!

By: Aine Grace Bravo

Naglab-ot sa 4 milyones pesos ang kahalitan sang sunog sa Brgy. Tabuc Suba, Lapaz kahapon sa diin 9 ka balay ang nasunog.

Naupos gid ang balay nanday Bogie Catedral, Vilma Marikid, Ernita Biñas, Edgar Saturnino, Clara Lisio, Vilma Caso, JP Caso, kag Randy Yanson. Partially-damaged naman ang balay ni Erwin Saturnino.

Sa imbestigasyon sang Bureau of Fire Protection (BFP), nag-umpisa ang kalayo sa balay ni Edgar Saturnino.