Iloilo City: Love triangle, ginatudlo nga rason sang shooting incident sa Tanza Baybay

By: Aine Grace Bravo

Gintiro ang 35-anyos nga lalaki sa Bgry. Tanza Baybay, City Proper kagab-i.

Ginkilala ang biktima kay Teofilo Tedoso sang amo man nga lugar nga naka-agum sang lima ka pilas. Gindala ang biktima sa Iloilo Doctor’s Hospital samtang nakapalagyo ang ginatudlo nga suspek nga si Dexter Ebaldoni pagkatapos sang insidente.

Love triagle ang ginasunod nga anggulo sang Police Station 1 sa pagtiro sang suspek sa biktima. Ginpahayag nga nagpangimon ang suspek bangud nga nagapakig-abyan ang iya asawa sa biktima. Ginpahayag man nga bulagay na ang mag-asawa.