Iloilo City: Rotational brownout sa syudad, magalawig tubtub sa Sabado suno sa PECO

By: Jocelyn Gelloagan-Maque

Magalawig tubtub sa Sabado ang rotational brownout sang Panay Electric Company (PECO) bangud sa pagkaguba sang unit 1 sang Panay Energy Development Corporation (PEDC) kahapon.

Suno kay Engr. Randy Pastolero, madamo nga solusyon ang ginatun-an sang maintenance crew sang PEDC agud makay-o gilayon ang naguba nga unit.

Ginpahayag ni Pastolero nga under maintenance ang isa pa ka unit sang PEDC gani indi magamit.

Samtang ang isa pa la back-up diesel plant sang PECO ang ginamentinar bilang preparasyon sa summer.