Iloilo City: Transport Summit, ginahiwat sa syudad subong nga adlaw

By: Aine Grace Bravo

Ginahiwat sa syudad subong nga adlaw ang multi-sectoral Transport Summit.

Katuyuan sini suno kay Kagawad Plaridel Nava, chairman sang Committee on Transportation sang City Council, nga ma-istoryahan kag maplastar ang short, medium kag long term solutions sa mga problema sa trapiko sa syudad. Lakip sa diskusyunan ang mga paagi agud indi mangin kapareho sang Manila ang syudad kon traffic congestion ang hambalan.

Gin-imbitar sa summit ang speakers halin sa Metro Manila Development Authority (MMDA), Land Transportation Office kag LTFRB. Gin-imbitar man ni Nava ang tanan nga presidente kag officers sang transport associations sa syudad kag probinsya, private sector, youth sector, cause-oriented groups, mga vendors kag business sector.

Nagalaum ang konsehal nga makahatag sang input ang nagkalain-lain nga sector angut sa problema sa trapiko.