Iloilo City: Mga lugar nga naka-eksperyensya sang rotational brownout subong nga adlaw, nadugangan!

By: Jocelyn Gelloagan-Maque

Nadugangan ang mga lugar nga nag-experyensya sang rotational brownout subong nga adlaw.

Suno kay Engr. Randy Pastolero sang Panay Electric Company (PECO), ginbuhinan sang Panay Power Corporation (PPC) ang supply sa ila mga linya bangud nga gingamit sang Panay Energy Development Corporation (PEDC) agud mapa-andar liwat ang ila unit 1.

Nagalaum si Pastolero nga magabalik sa normal ang power supply buwas kon makay-o na ang unit 1.

Nagpatuman sang rotation brownout ang PECO matapos nag-shutdown ang unit 1 sang PEDC nga ila ginakuhaan sang power supply.