San Miguel, Iloilo: Pulis, nalabuan sang lalaki nga gin-alegar nag-amok; suspek napatay matapos nga natiruhan sang pulis!

By: Aine Grace Bravo

Padayon nga ginabulong sa ospital ang pulis nga ginlabu sang nag-amok nga lalaki sa Brgy. Uno, Roxas Street, San Miguel kahapon.

Napilasan sa tiil kag abaga si PO2 Regie Alcala, assign sa San Miguel PNP matapos ginlabu sang espading sang wala pa makilala nga suspek. Nagataas ang suspek sang 5’2, medium-built, kag nakasuksok sang shorts nga blue kag puti nga t-shirt nga may marka sang dragon. Wala sang nakakilala sa ang suspek bangud indi tumandok sa amo nga lugar.

Napatay ang suspek matapos nakabalos tiro si PO2 Alcala. Nagresponder sa lugar ang San Miguel police matapos ginlabu sang suspek ang menor-de-edad sa tiyan sa wala mahibaluan nga rason.