Iloilo City: Pagpangayo ni Kagawad R Leoni Gerochi sang report sa Transport Summit, may malisya suno kay Kagawad Plaridel Nava

By: Jocelyn Gelloagan-Maque

May malisya ang pagpangayo ni Kagawad R Leoni Gerochi sang report sa transport summit nga ginpresentar ni Kagawad Plaridel Nava kahapon.

Pagpati ini ni Nava rason nga naakig kag ginhangkat sang debate ang konsehal.

Ginpahayag ni Nava nga madugay na nga nagakumod si Gerochi batuk sa iya sa wala nahibaluan nga rason.

Gin-athag ni Nava nga naresolbar na ang konflikto bangud ginasunod sini ang ayo ni Mayor Jed Patrick Mabilog nga pabaskugon ang ila grupo.

Apang indi lang mahangpan ni Nava kon ngaa daw ginagarit-garit siya ni Gerochi nga iya man lang paryente.