Iloilo City: Mga survivors sang Supertyphoon Yolanda, ginpanugyanan sang DSWD nga magpalista sa MSWDO agud maka-avail sang emergency shelter assistance

By: Aine Grace Bravo

Ginpanugyanan ni DSWD 6 Information Officer Mae Rago-Castillo ang mga survivors sang Supertyphoon Yolanda nga magpalista sa ila tagsa ka Municipal Social Welfare and Development Officer agud maka-avail sang emergency shelter assistance. Dapat siguraduhon suno sa iya nga makapalista ang mga biktima ilabe na ang wala nadala sa una nga listahan nga ginsumiter sa DSWD.

Gin-athag ni Castillo nga ang MSWDO ang maga-consolidate sang listahan kag masumiter sa central office agud maka-request sang pundo. Ang kuwalipikado nga makabaton suno sa iya sang assistance amo ang mga biktima nga may sweldo nga indi 15 mil pesos panubo kag wala naga-istar sa danger zone.

Una na ginpahibalo ni Castillo nga naka-release na ang DSWD sang 1.7 bilyones pesos nga assistance para sa mga biktima sang supertyphoon sa Western Visayas.