Iloilo: Ginpahayag pagpalasik sang krudo sa kabanwahanan, ginapa-imbestigaran ni PA Raul Banias

By: Jocelyn Gelloagan-Maque

Ginapa-usisa sang provincial government ang ginpahayag “pa-ihi” ukon pagpalasik sang krudo sa kabanwahanan.

Ginpahayag ni Provincial Administrator Raul Banias nga nakuhaan sang litrato sang driver sang dump truck nga nagbilin sang mga container sang diesel fuel sa tyangge sa premier distrito.

Sang 2011 pa nakabaton sang report ang provincial government nga may mga driver sang dump truck nga nagapangawat sang gatong apang wala nahatagan sang disciplinary action ang mga driver bangud kulang ang ebidensya batuk sa ila.

Ang pagpalasik sang mga driver sang gatong ang ginpalab-ot na ni Banias kag Provincial Engineer Gracianito Lucero.