December 1, 2021

Iloilo City: Committee report nga nagarekomendar nga kasuhan ang walo ka empleyado sang syudad may kaangtanan sa anomaliya sa Iloilo Terminal Market, isumiter sa konseho sa masunod nga session

Read Time:1 Minute, 5 Second

By: Aine Grace Bravo

Walo ka mga empleyado sang syudad ang gin-rekomendar nga pasakaan sang kaso kriminal kag administratibo bangud sang kahilabtanan sa anomaliya sa Iloilo Terminal Market.

Base ini sa 44 ka pahina nga committee report sang tatlo ka komitiba sang city council nga naga-imbestigar sa tuklo-anay sa merkado. Suno kay Kagawad Plaridel Nava, vice chairman sang Committee on Markets and Slaughterhouse, kalakip sa mga ginrekomendar nga kasuhan amo sanday City Administrator Norlito Bautista bangud sang simple neglect of duty, anay Local Economic Enterprise Office Chief Vincent de la Cruz bangud sang paglapas sa anti-graft and corrupt practices act kag asawa sini nga si Xenia de la Cruz.

Magapangatubang man sang grave misconduct kag conduct prejudicial to the best interest of the service si market-in-charge Ely Sumaray, isa ka count sang falsification of public documents kag 12 ka counts sang malversation of public funds ang ginrekomendar nga ipasaka kay Fedelyn Villalobos, Marcela Ymalay para sa 18 ka counts sang malversation of public funds, retired market supervisor Enrique Billena sang 6 ka counts sang malversation of public funds kag Winona Jaudian sang 223 ka counts sang malversation of public funds.

Igasumiter suno kay Nava ang report para sa deliberation kag pag-aprobar sang city council sa masunod nga semana nga session.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo: Pila ka alkalde, nag-ako nga wala nakasumiter sang mga dokumento sa DPWH agud makakuha sang emergency shelter assistance ang ila mga constituents nga na-apektuhan sang Supertyphoon Yolanda
Next post Pototan: Ceres bus, ginhold-up sang tatlo ka lalaki!