Iloilo: (Update) Pagholdap sa Ceres bus sa Pototan, planado suno kay IPPO Director Sr/Supt. Cornelio Salinas

By: Aine Grace Bravo

Ginakabig ni Iloilo Police Provincial Office (IPPO) Director Sr/Supt. Cornelio Salinas nga mantas nga mga holdaper ang tatlo ka suspetsado nga nagholdap sa Ceres bus sa Brgy. Iwa Ilaya, Pototan kahapon.

Nagapati si Salinas nga organisado kag planado ang paghold-up sa Ceres bus. Nagpangabay si Salinas sa mga biktima nga magtestigo kag kilalahon sa rouge gallery ang mga suspetsado agud madasig ang pagsolbar sang kaso.

Una diri, ginpahayag ni SPO3 John Pasaporte nga nakilala na ang isa sa tatlo ka suspetsado apang nagpamalibad nga hingadlan. Naglab-ot 171 mil 750 pesos ang nataban sang tatlo ka suspek sa konduktor kag masobra 20 ka pasahero sang bus.