Iloilo: Pagpadulong sang mga punong barangay sa Cebu para sa Liga Convention, indi illegal suno sa DILG Provincial Director

By: Jocelyn Gelloagan-Maque

Indi illegal ang pagpadulong sang mga punong barangay sa Cebu.

Gin-athag ni Department of Interior and Local Government (DILG) Provincial Director Teodora Sumagaysay nga legal ang biyahe sang mga kapitanes kon sundon lang ang accounting rules and regulations sang Commission on Audit (COA).

DILG Region 6 suno sa iya ang magahatag sang authority sa mga punong barangay bangud sa guwa sang probinsya hiwaton ang convention.

80 porsiento sa mil 721 ka mga barangay captains ang magatambong sa convention sa Waterfront Hotel and Convention Center sa Cebu City sa Marso 9 tubtub 11.