Iloilo City: 8 arestado sa magkatuhay nga drug bust operation

By: Aine Grace Bravo

Walo ang nadakpan sa magkatuhay nga drug bust operation sang mga otoridad.

Arestado ang 29-anyos nga Jonathan Nadayag sang Brgy. Sta. Felomina, Arevalo nga nakuhaan sang apat ka sachets sang suspected shabu kag 300 pesos nga marked money. Madumduman si Nadayag ang gintuyo nga patyon sa Banuyao, Lapaz sang Nobyembre sang nagligad nga tuig apang nakapalagyo samtang ginatiro. Preso na si Nadayag sa karsel sang Arevalo Police Station.

Samtang pito ang arestado sa buybust operation sang PDEA 6 sa Brgy. Villa Anita, City Proper. Ginkilala ang mga suspek kanday April Rose kag Anthony Dedoyo nga subject sa operasyon, Christian Divan, Jason Rey Verjel, Sanbold, Roven kag Kirby Gomez. Nakuha sa mga suspetsado ang 19 ka sachets sang suspected shabu kag 600 pesos nga marked money. Preso na sa karsel sang PDEA6 ang mga nagkaladakpan kag natalana kasuhan.