Jaro, Iloilo City: Lalaki, ginbuno sang tigib sang iya abyan nga ginpahayag may deperensya sa paminsaron

By: Aine Grace Bravo

Napilasan sa nagkalain-lain nga parte sang lawas ang 49-anyos nga lalaki nga ginbuno sang tigib sang iya abyan nga ginapatihan may diperensya sa paminsaron sa Jaro kahapon.

Gindala sa ospital si Rogelio Saludes sang Brgy. Simon Ledesma nga ginbuno ni Thadeo Espinosa sang amo man nga lugar. Ginpahayag nga nagtuyo pa kuntani magpalagyo ang biktima paagi sa pagsulod sa kurong sang manok apang ginlagas ini sang suspek kag ginbuno.

Na-ospital man ang suspek matapos ginlampusan sa ulo sang matig-a nga bagay sa tuyo nga mag-untat ini sa pagbuno sa biktima.