Iloilo City: Mayor Jed Patrick Mabilog, nagpasalig nga magahimo sang mga tikang agud mahagan-hagan ang pagduging sang “Survival Sex”
Read Time:51 Second
By: Aine Grace Bravo
Mapatawag sang dayalugo si Mayor Jed Patrick Mabilog sa mga tag-iya sang hotels, motels kag lodging houses sa syudad agud istoryahon may kaangtanan sa nagadamo nga estudyante nga naga-engage sa ‘survival sex.’
Suno sa alkalde, dapat ipahanumdom sa mga tag-iya nga ginadumilian sa laye ang mga menor de edad nga magsulod sa nasambit nga mga establisiemento. Magahinyo sang bulig si Mabilog sa City Legal Office kag sa City Council sa pagdihon sang mga pagsuludan ukon ordinansa agud mauntat ang nasambit nga aktibidad. Apang gin-athag sini nga wala sang kinamatarong ang mga otoridad nga punggan ang estudyante nga magsulod sa motel kon yara na ini sa legal nga edad.
Imbitaron man sang alkalde sa dayalugo ang Task Force on Moral Values and Formation nga ginapamunuan ni Mr. George Duron. Sabat ini ni Mabilog sa ginpadala nga sulat ni WVSU Professor Maria Rosario Victoria de Guzman nga nagpabutyag sang pagka-alarma sa naganubo nga edad sang mga estudyante nga naga-engage sa survival sex.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Hibao-an flyover buksan sa Disyembre 15
ILOILO CITY – Natalana ang inisyal nga pagbukas sang Hibao-an Flyover sa Disyembre 15, suno kay Department of Public Works...
Aksyon Night Patrol | Nov. 28, 2023
https://www.youtube.com/watch?v=4P-ta2132YU Aksyon Night Patrol upod kay Aksyon Jorge Cabrera | November 28, 2023Editor’s Note: AKSYON RADYO ILOILO welcomes different opinions...
Average Rating