Guimbal: Bangkay sang lalaki, nasapwan sa kanal!

By: Jocelyn Gelloagan-Maque

Ginapatihan nga nalumos ang lalaki nga nasapwan patay sa kanal sa Barangay Bagumbayan, Guimbal kaina sang aga.

Suno kay Senior Inspector Norlan Pirante, hepe sang Guimbal PNP, kilala si Edgar Duran, 45-anyos, nga masami naga-inom.

Ginpahayag nga may nakakita pa kay Duran pasado alas-11 kagab-i nga nagasandig sa pulungkuan sa tiangge sa kilid sang kanal.

Posible suno kay Pirante nga naka-inom si Duran kag natulugan rason nga nahulog sa kanal nga nagadalum sang lima ka tapak nga may tubig.

Posible man nga naka-igo sa mga bato ang ulo sini bangud may pilas siya sa kilay sang nasapwan nga nagabarikutot sa kanal.

Ginpabutyag naman sang asawa ni Duran nga malaka lang ini kon magpauli sa ila balay.