Janiuay, Iloilo: 1 patay, 1 pilason sa pagpangluthang

By: Aine Grace Bravo

Isa ang patay kag isa pilason sang ginpangluthang sa Poblacion, Janiuay kaina sang kaagahon.

Gindala pa sa ospital si alyas Bryan apang napatay bangud sang patal nga pilas sa abaga. Padayon naman nga ginabulong sa West Visayas State University Medical Center kaupod ni alyas Bryan nga si Hendry Paclibar nga napilasan sa likod. Pareho nga taga-Passi City ang mga biktima.

Ginatudlo nga nagtiro sa mga biktima si Ronnie Mamon sang Jibolo, Janiuay nga madasig man nadakpan sang kapulisan. Ginpahayag nga may nagluntad nga pagbinaisay sa tunga sang mga biktima kag suspek antes natabu ang pagpangluthang.