Iloilo City: 85-anyos nga lalaki, nagtumpilak matapos nabungguan sang taxi samtang gatabok sa dalan!

By: Jocelyn Gelloagan-Maque

Nagtumpilak ang 85-anyos nga lalaki matapos nabungguan sang taxi samtang nagatabok sa Diversion Road, Mandurriao kaina sang aga.

Napilasan sa ulo si Pablito Precion sang Barangay Fundidor, Molo matapos natumba sa karsada sang nasalapay sang Welix Taxi nga ginadala ni Ronald Lavilla.

Suno sa driver, na-alang-alang siya rason nga naigo sa paa si Precion.

Madasig naman nga nagresponder ang Esplanade Police kag mga katapo sang Iloilo City Emergency Responders (ICER) agud madapatan sang first aide ang biktima antes gindala sa pinakamalapit nga ospital.