Iloilo City: Head sang Task Force on Morals and Values Formation, nagpa-athag nga sakup sang ila trabaho ang routine inspection sa tanan nga establisemento sa syudad

By: Aine Grace Bravo

Trabaho sang Task Force on Morals and Values Formation ang mag-conduct sang routine inspection sa tanan nga establisemento sa syudad.

Suno kay Mr. George Duron, head sang task force, gina-schedule nila ang pag-inspect sa mga establisimento sa kada distrito nga ila ginakadtuan. Base sa schedule, naga-operate ang task force sa Jaro kon Lunes, Lapaz kag Lapuz kada Martes, City Proper kon Mierkules, Molo kon Huwebes, Arevalo sa Biernes kag sa Mandurriao kon Sabado.

Sakup ini suno kay Duron sa memorandum order nga nagahatag sang dugang nga assignments and powers sa task force. Kalakip sa routine inspections sang task force ang tanan nga night clubs, bars, refreshment parlors, sari-sari stores, mga pribado kag pampubliko nga establisiemento sa syudad.