Iloilo: Provincial Government, magahiwat sang Job’s Fair sa “Semana sang Iloilo”
By: Jocelyn Gelloagan-Maque
Hatagan sang oportunidad sang provincial government ang mga job seekers nga makakita sang trabaho.
Gin-anunsyar ni Provincial Human Resource Officer kag Sports Complex Administrator Francisco Heler ang paghiwat sang Job’s Fair sa Provincial Capitol lobby sa Abril 8 halin alas 8 sa aga tubtub alas 5 sa hapon.
70 ka mga kompaniya suno sa iya ang magatanyang sang local kag overseas jobs.
May recruitment agency man halin sa Manila nga maabot sa Iloilo agud mag-hire sang mga medical workers sa United Kingdom.
Ang Job’s Fair suno kay Heler ang kabahin sang “Semana sang Iloilo” nga magasugod sa Abril 6 tubtub Abril 10.