Semana Santa, makabenepisyo sa magagmay nga mga negosyante sa Panay!

By: Aine Grace Bravo

Bentaha sa mga magagmay nga negosyante ang Semana Santa sa isla sang Panay.

Suno kay Department of Tourism (DOT) 6 Director Helen Catalbas, makabenipisyo sa mga negosyante ang pagpadulong sang mga deboto sa mga tourist attractions sa rehiyon ilabe na sa Balaan Bukid sa Guimaras, Agony Hills sa Alimodian kag Bulabog-Putian National Park sa Dingle.

Bisan ang mga turista halin sa nagkalain-lain nga pungsod ang nagaka-engganyo man magkadtu sa Western Visayas agud maglantaw sang religious culture sa tion sang Semana Santa. Magluwas sa religious culture, ginadugukan man sang mga turista ang isla sang Boracay kag pamatuod diri ang fully-booked nga mga hotels kag cottages.