May 23, 2022

Iloilo City: Halos P100K nga cash nga nakita sa sulod sang boutique, ginbalik na sa tag-iya!

Read Time:54 Second

By: Jocelyn Gelloagan-Maque

Ginbalik sang 41-anyos nga babaye sa tag-iya ang nakita nga kwarta sa Lind Sanity Boutique sa Marymart Mall sang Sabado.

Ginpakamaayo ni Mrs. Nancy Palacios sang Brgy. Badiang, New Lucena nga ibalik ang P99,995 sa tag-iya nga si Isidoro Fabela sang Jaro.

Nakita ni Nancy ang kwarta nga nasulod sa bag sang nag-ukay sila sang iya bata sang mga baligya sa nasambit nga boutique.

Nagdangop si Palacios sa Police Precint number 1 agod mahibaloan kon sin-o ang tag-iya sang bag nga may unod nga kwarta.

Nakita ni Chief Inspector Jojo Tabaloc sang PP1 ang official receipt sang Shell Gasoline station sa Leganes kag nakabutang ang pangalan ni Fabela.
Gintawagan sini ang gasolinahankag nakumpirmar nga ila suki si Fabela.

Gin-athag ni Fabela nga nagbakal man siya sa nasambit nga boutique kag nalipatan ang bag nga may unod nga kwarta.

Ang nasambit nga kantidad suno kay Fabela ginpadala sa iya halin sa Palawan agod ibakal sang bugas.

Ginpasalamatan sini si Palacios kag ang mga pulis sa pagbalik sang kuwarta sa iya.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pag-obserbar sang Semana Santa sa syudad kag probinsya sang Iloilo, malinong kag matawhay suno sa mga pulis!
Next post Guimaras: Board Member, gineklamo nga nagpanaya sang pusil sa punong barangay sang Agsanayan, Buenavista!