Iloilo City: Grupo sang mga lalaki kag babaye nga nadakpan nagapangawat sa mall kag naga-board sa La Paz, ginapatihan nga organisado nga sindikato!

By: Jocelyn Gelloagan-Maque

Nagapati ang La Paz Police nga organisado nga sindikato ang ila nadakpan nga naga-board sa Dayot Subdivision sa Jereos, La Paz kahapon.

Ginrason ni Senior Inspector Edgar Anonoy, hepe sang La Paz Police Station, nga nakapiyansa gilayon ang mga suspek.

Gindakup sang gintingub nga pwersa sang La Paz Police kag Intelligence operatives sanday Marlyn Rico, 50; Maya Fortuna, 43; Aurea Cabasag, 50; Delia Reyes, 51; Rhoan Redoble, 34; Marisa Diaz, 40; Socarno Dorado, 43; kag Marcial Lacer, 42 lunsay sang Purok Pepsi Bata, Bacolod City.

Gindakup man sanday Dionisio Magbanua, 49; Roseta Abibuag, 53; Edmalyn Peña, 51; kag Pia Balar, 28 sang Dasmariñas, Cavite.

Arestado pa gid sanday Evelyn Flores, 51 sang Cubay, Jaro kag
Linda Cordero, 40 sang Sta. Monica, Dumalag, Capiz.

Nasiplatan ni security guard Jose Tamato sang Plagata Security Agency kag detailed sa SM Delgado ang mga suspek samtang ginapapanaug ang madamo nga grocery halin sa green nga nissan urban.

Nakilala ni Tamato ang mga suspek rason nga nagpangayo sang bulig sa La Paz Police.

Madamo nga grocery items ang nakuha sa mga suspek kag gin-identify sang manager sang Gaisano Capital nga naghalin sa ila.